Nacido en Barro, é profesor de frauta travesa.

Iniciouse na frauta travesa con Xosé Bugallo na Banda de Música de Barro. No ano 1995 ingresou no Conservatorio de Música de Pontevedra, centro no que continúa os seus estudios na actualidade como alumno de Francisco Seoane. Tanto na banda como no conservatorio recibiu clases de outros profesores como Adelaida Vidal, Pablo Coira, David Lombardía, Paula Expósito ou Judith Rey. Realizou cursos de perfeccionamento con Magdalena Martínez, Laurent Blaiteau, Luis Soto, Fernando Raña, Jorge Caryevschi e Jilbert Hazelzet. Tamén recibe clases particulares de Fernando Raña en Vigo e de Laurent Blaiteau (frauta solista da Real Filharmonía de Galicia) en Santiago de Compostela. Participou no I Seminario de Jazz de Pontevedra (2001-2002), impartido por Abelardo Rábade e Paco Charlín. No ano 2002 acadou unha praza de frauta reserva na Escola de Altos Estudios Musicais, onde continúa como alumno activo na actualidade. Gañou o 1º premio no Concurso Musical ANPA do Conservatorio de Música de Pontevedra no ano 2003.

Toca como solista nas Bandas de Música de Barro e Pontevedra, e tamén na División Musical do IES A Xunqueira I de Pontevedra, coa que participou na gravación dun disco no ano 2002 como intérprete e compositor. Formou parte da Big Band de Cangas do Morrazo e participou en numerosos concertos con diversas bandas galegas. Traballa como profesor de frauta na Escola Municipal de Música de Sanxenxo e na Escola de Estudios Musicais A TEMPO.

Menú de profesorado