A escala maior natural divide cada octava en sete notas distintas. Cada unha desas notas dá orixe a un modo distinto da seguinte maneira:

Modos da escala maior natural

Tódolos modos dunha escala cubren a distancia dunha octava coas mesmas sete notas, pero a situación cambiante dos semitonos produce intervalos diferentes entre os graos de cada modo.

Vexamos por separado as características dos modos naturais tomando como exemplo a tonalidade de do maior. Para practicar cada modo é moi importante facer descansar a melodía nas notas da tríada (incluída a fundamental). Eso é o que fai sonar un modo e non outro, porque a escala é a mesma para tódolos modos da tonalidade.

Modo I (xónico, escala maior)
Parte do 1º grao da escala maior natural

Produce tríada maior e sétima maior.

Modo II (dórico)
Parte do 2º grao

Tríada menor e sétima menor.

Modo III (frixio)
Parte do 3º grao

Tríada menor e sétima menor. Ten como alteracións as notas a evitar b2 e b6.

Modo IV (lidio)
Parte do 4º grao

Tríada maior e sétima maior. Presenta a #4 como nota diatónica alterada.

Modo V (mixolidio)
5º grao

Tríada maior e sétima maior.

Modo VI (eolio, escala menor)
6º grao

Tríada menor e sétima menor. Ten como alteración a nota a evitar b6.

Modo VII (locrio)
7º grao

Tríada diminuída (b5) e sétima menor. Contén a alteración b6 e maila nota a evitar b2.
Este modo non se usa como tónico en música modal.

Na seguinte táboa aparen tódolos modos da escala maior natural. Primeiro ordenados polos graos da escala que os orixinan e despois agrupados por tipos de acorde. Preme os enlaces para acceder ás versións imprimibles da táboa por graos da escala e por tipos de acorde.

Exercicio

Sobre un acorde maior, menor ou diminuído; entoa-las notas de paso propias de cada modo.

 

Carlos Calviño
Escola de Estudios Musicais A TEMPO